Nadal a Beijing

Sul aparechio mi consegnin une cjarte di imigrazion. Si capis subite che achi no si scherze, ti domandin cui che tu ses e ce che tu as di fa.

balenis e pinocchios...

Sicome tal elenco nol'e "sgarfefurlans", tra i varis motifs de visite in Cine, o sielz di scrivi che o voi a cjata amiis. Mior di sigur lassa piardi tiarmins comprometens tipo g**rnalist. O brami di jentra ...ma ancje di salta fur di chist pais. Ancje al me cognom Vescovo, sperin che no lu cjapin come mistiir..

A Bangkok, pes stradis, al regnin i odors di speziis, di friture, di poçets e di cragniçe. Achi, a Pechin, odor di nafte brusade e di fumate Jugoslave, che mi mene indaur ai ricuarts dai Nadai passats cui amis sui monts tal dulintor di Jesenice, o a bevi pivos tes valadis di Nova Gorica. Le nafte dai vecjos pais "no alineats", Cine e Jugoslavie, e lasse in bocje un savor particolar. Al color de "capital dal Nort", chiste le etimologje di Pechin, al'e gris e ancje al cil al samee un gjeto di beton.

Chiara Gensini e Stefano Cantarutti

Scombatut un poc cul tassist -e cule me pronunce cinese dal nom des viis- o rivi a Wangguocheng, dula che mi spiete une zovine toscane, Claudia, amie di Chiara, le me sgarfefurlans assistant manager de Cine. Claudia mi fevele de comunitat taliane di Pechin, che e samee une vore slargjade e une vore "penge". Mi fas cognosi i soi compais di apartament abruzzes e mi conte che i talians si cjatin daspes par cenis e fiestis. Dolce vita dal soreli jevat!

Le me residence e je dogje dal Templi dal Lama, al apartament di Giada Messetti che e june zovine giornaliste furlane che e a studiat al cines e e vif achi. Giada e je in Friul pes fiestis e cusi jo i fas di house-sitter. Apene rivat tal apartament, i bagni le plante grasse e i bef une bire (cinese!) dal frigo.

Doriano Silvestri di Palme

O compagni Claudia a fa shopping sotsere, par fami une idee de citat, e mi cjati tun negozi plen di fighets cines, alts un e otante, tirats, serios. La int difur pa strade che e sburte al brun, che e piche al asfalt e che e scove partiare, invesite, e je alte un metro e cjapilu ma e cjante, a berle, e rit, ancje se al fret al beche ben e no mal.

I cines, a no ocidentai, nus clamin cuntun nom che al vul di "nas lunc". Insome, nus disin pinocchio. Tal centri commercial "the place", plen di ocidentai, un mega schermo al plasma (al pi grant tal mont, mi dis Claudia) al fas di sufit-piargule a une mega cort di negoziis. Sul schermo adalt, a un 20 metros di altece, si viot proiettade le panze di une balene. Le strade e je plene di Geppettos cule muse rosse pal fret e cules mans plenis di cai. Denant de vitrinis iluminadis a di, le zovinis cinesis, bielis pipinis nininis claris cules scarputis celestinis e verdulinis tant che fadis.

Le grise capital dal Nort

Nadal a Pechin al'e ...e nol'e. No je une fieste sul calendari, ma i cines e an copiat il nestri nadal consumistic e cuindi pai negozis si viodin babbi natale cines pardut e si scoltin pastorellis e mottets di nadal. Se i pinocchios e fasin fieste e e comprin, i cines (tant che il gatto e la volpe) e fasin fieste-lavorant e e vendin.

E je une minoranze catoliche che e fas fieste e e va ancje a messe. Chiste comunitat, che o cjati ae messe grande al di di Nadal ae Nan Tang (catedral dal Sud) e je fate di forescj che e vivin e lavorin chenti, ma ancje di cines. Le messe, par ingles cun tocs di frances, latin e cines, e dure pase un'ore. Viars le fin, une file lungjonone si met adun par fa le comunion. Al predi al met in clar che le comunion e je dome pai batiats. Le file si ferme a voltis parvie che al predi e al capelan e cuistionin cui dai puars biats cines une vore devots che no son stas batiats, no an voe di dagj le comunion... i cines e insistin ma e vegnin saludats cuntune pache sule spale e mandi e grazie.

Messe di Nadal ae Nan Tang

Le di dopo, o cjapi un taxi e o voi ju sule Jianguo Lu, dula che mi spetin dai furlans che e lavorin ae Danieli. Stefano Cantarutti al'e di Torean di Cividat. Al'e al di di San Scjefin e cusi i fas i augurios. Scjefin al lavore achi dal 2005, e al so progjet al'e chel di torna cjase ca di un 3-4 agns. Mi conte de so esperience come alc di positif, Beijing e je une metropoli cun tantis pusibilitats. Al'a comprat un Side-Car vintage che i permet di scori ben sules stradis traficadis de capital.

Doriano Silvestri invesite al'e di Palme. So pari al'e fotografo e mi a fat le foto de prime comunion (al mont al'e piçul). Doriano al'e vignut ju par un intervent di manutenzion in Cine, al veve di sta dome 20 dis, ma si e innamorat de Cine (e di une cinese, che al'a sposat un an e miez indaur).Le so femine e sta studiant al talian, le lenghe di comunicazion tra di lor e je al ingles -o al limit al talian-. Al furlan, in Cine, Doriano lu dopre cui colegas, di front clients forescj... come lenghe in codiç.

MI conte che le personis in Cine e son une vore semplicis e scletis. Doriano al'e veramentri entusiast de Cine: al so futur (e chel di so fie, nassude achi in Cine) lu viot in Cine. A Doriano i conti di un me delirio, de me impression che Pechin viodut dal alt e samee a Palme (moltiplicade par 2000 e plui), parvie de so geometrie, dal fat che le vecje citat e je stade sdrumade par fa su une gnove metropoli simmetriche e regolar. E cumo, e slargjin i anei plui par di fur come che Napoleon al'a ingrandidis les muris. Deliris dal vescul...

Chiara Gensini e je di Buie (San Scjefin...) e je le femine di Stefano e e spiete un frut...Wow, le comunitat furlano-cinese e a un trend demografic impresionant :-)!

Della serie o intervisti Chiara le femine di Scjefin, di San Scjefin di Buie al di di San Scjefin..gosh! Chiara e a studiat cines... scuasit par sbalio. Iscrite ale universitat, par un quiproquo si e cjatade a studia Cines. Vignude in Cine par perfeziona al cines, si e inamorade de int cinese (che e je une vore simpatiche e... ridicule). A je, come a mi, i plasin i personagjos che si cjatin pe stradis di Beijing, che e son tant ninins e a voltis e samein vignus fur di un carton animato. Chiara mi conte ancje di un Architet, Alessandro Fatovic, al sta fondant un Fogolar Furlan a Pechino. Les cjartis e son bielza firmadis e quindi al fogolar a Pechino e je une realtat. Cun chist fret, un fogolar di plui nol sta mal.