O rivi tal aereopuart di Sydney, e o domandi informazions par cjapa une curiere pal centri. Al prin tassist che o cjati al`e un talian dal meridion che si viot lontan un chilometro. Mi dis tal so ingles mediterraneo di cjamina dilunc dal marcjepit fin a un gabioutin plui indenant.
O smonti tal centri di Sydney e mi cjape la sindrome di spaesament "downunder". Al fat che a misdi al soreli al sedi a Nord invesite che a Sud al mi mande a ramengo al sens dal orientament e o scugni domandagj a une tipe di ce bande che al e al su e al ju. Dal acent si capis che e je taliane ancje je.
Sydney, George Steet, vinars di sere. Ce casin: machinis scapotadis cul stereo a manete in colone, gratacelos, marcjepits plens di int di ogni etnie pusibile, clubs che e sunin musiche dal vif in plene. Un ambient une vore difarent de oasi di pas di Mareeba!
Al prin furlan che o sgarfi al si cjate ju a Allawah. Sydney e je une citat enorme, pandude par desinis di chilometros. O cjapi le metropolitane e vie ju a Cronulla Street. O suni tune biele cjase e mi viarzin Quinto Zanutin e Petrello Fiorinda, origjinaris di Clauian. Quinto al`e rivat tal 60, e mi conte di sedi une vore content de so sielte. Mi mostre al so ort, le so pizule vigne e le so cantine cun tant di turcli "homemade".
Cuinto (bregons blancs e cjamese viole) cule so biele ande ala voe di partami, cule so femine, tun "club" che mi dis che al`e plen di talians. O montin su tune machine un poc vintage <3900 di cilindrade, gosh> e vie pes stradis di Sydney. O rivin ta chist club (Club Italia ) fur di Sydney e o cjatin une maree di talians (almancul un centenar) che e balin cuntune une band che sune liscio. Atmosfere felliniane.
Mentri che Quinto al bale cule femine, mi rint cont che -cence save- o soi rivat te sede dal Fogolar Furlan, che cumo mi spieghin si e fondut a ducj chei atris clubs di talians de zone. Tun cjanton, o cjati le foto de Udinese ai timps di Bierhoff (si scrivial cussi?). Sul mur, le cjartine plui dettagliade che si podedi cjata dal Friul (cun tant di Buse dai Veris, Menarul, Cepletischis, e Cjasai dal Gial).
Suntune taule in bande rispiet ae sale di bal, o cjati Gioacchino Basana e le so femine Fulgenzia Colussi, rispetivamentri di San Zuan di Cjasarse e di Cjasarse. O soi incuriosit dal cognon di Fulgenzia (che al`e chel de mari di Pier Paolo Pasolini) e i domandi se lu cognoseve. Je mi conte che e erin amis di famee, e che daspes e leve in cjase Pasolini. Lui je sal ricuarde come un ver "gentleman". Gioacchino come mestre di sostegno al veve le mari di Pasolini. Une bravissime maestre che i e restade tal cur.
Dut di un colp mi cjati denant ale "intellighentia" dal Fogolar Furlan. O vevi provat a scrivigj une e-mail par cjapa un apontament par fa des intervistis ma no mi vevin rispuindut. E son une vore busy a manda indevant al club, mi spieghin.
Francesca Gentilini, fie di Furlans di Dignan, e je le "office administrator" dal Club Italia. Filiberto "Bob" Donati al`e al Vice President e al`e originari di Sedean. Al`e partit dal 1956.
I spieghi un poc dal progjet e lui si ufris di vigni a cjoimi te di dopo par partami, tal doman, di gnuf tal Club, parvie che o vares podut cjata tancj furlans di intervista. Te domenie, tal Club, i furlans e zuin di poker, briscule e boccis.
Bob Donati mi spieghe che al inizi, i furlans si cjatavin a fa picnics tai prats, di domenie. Plui tart, tai agns sesante e an pensat di fa su une vere e proprie sede "a sotet".
Quinto mi torne a mena ae metropolitane e o torni a Town Hall. In centri al`e un disio di int e le atmosfere di party e je in plene.
Cui disial che le emigrazion italiane/furlane tal forest e je finude?
Tal doman, mi svei le matine abuinore e o sint a fevela talian tal coredor. O cjati doi zovins di Milan, sui 25 agns, che e son vignuts al aventure in Australie. Tai lor voi, le ande e al snait dal emigrant.
MI disin: "In Italia al giorno d`oggi la vita e` dura, lo sai meglio di me. Ci facciamo un giro in Australia di un anno, poi vediamo. L`Australia e` un posto molto bello, e se troviamo un modo di rimanere, forse rimarremo. Per ora abbiamo trovato lavoro come baristi. Ora devo andare, oggi e` il nostro giorno di prova, speriamo che vada bene". O intervisti un di lor, Alberto Crippa. Cuant che o distudi al registrador, mi dis: " ehllamadonna ma hai visto quanta f*** c`e in giro?"
Subit dopo o cjati un cadorin di Calanzo, di bessol. Stesse storie. Mi samee un poc spaesat e spaurit di chiste grande metropoli. Al`e vignut ale aventure, e al spere di cjatasi un lavor in curt.
Un visto pe Australie al fas gole, e al rive a rive a costa ancje 400 Euros. Cui disial che le emigrazion italiane e furlane tal forest e je finude? Tancj "COCOCO" a contrat e sottopajats, cuant che e son sglonfs de situazion taliane, e cjapin su e e van. Come i lor nonos e bisnonos.
Cronulla Hotels
1 vote 
