Carnival
Trip Start
Jan 21, 2008
1
4
28
Trip End
Sep 02, 2009
Scarborough, Trinidad and Tobago
Saturday, February 9, 2008
Mittlerwiile isch scho wieder mitti Februar und ich hocke irgendwo z´Venezuela ime Internetkafi.
d¨Ziit z¨Trinidad isch leider scho verbii und ich mues saege, es isch wuerkli... unbeschriiblich gsi.
Vor allem die letscht wuche isch sehr intensiv gsi waegem Carnival. Staendig simmer a Parties gange oder a irgendwelchi Familiefeschter haend nur tanzed und gaesse (d´Hose zwicked au scho chli) und waemmer mal dezue cho sind, haemmer au no chli gschlafe.
Es isch scho schoen, waemmer mal de Alltag chan vergaesse und eifach nur chan gnuesse und mal wiit weg sii vo dihei.
Jetzt verzell ich oi chli vom Carnival
oisi band, nonig vollstaendig kostuemiert
.Mir haend ide Tanzband vo minere Tante mitgmacht zum Thema Traumfaenger/Indianer.
Also de CArnival fangt am Maentig Morge a, mitem "j'ouvert-Morning". Da gaht mer am Morge frueh am 3 uf d'Strass und fahrt is Zentrum, wo mer sich vo une bis obe mit Dreck iischmiert (demit alli gliichusgsehnd) und daenn hindereme Musigtruck dur d'Strasse tanzt bis es hell wird. Das isch d'Eroeffnig vom Carnival.
Mir sind also au detane und chum simmer det acho haends ois mit schlamm und rote Farb beschmisse vome truck us. De schlamm isch eigentli no ganz fein gsi, wills under de Dreck no schoggipulver gmischt haend und s'ganze richtig schoen nach schoggi gmoeckt haet. hahaha
Wos daenn hell worde isch, simmer hei und will mer gad bim Meer gwohnt haend, simmer daenn im Meer schnell de ganz Dreck go abspuele.
Daenn gaht de Tag aber au scho wiiter. Mr gaht sich daenn go umzieh, go schminke und sis kostuem go alegge und zieht daenn mit sinnere Tanzband id Stadt. Bis id Nacht ine tanzt mer daenn.
Am Ziischtig staht mer daenn am Morge frueh uf, tacklet sich nomal uf und tanzt nomal de gaaaanz, lang, heiss Tag ide Pralle sunne dur d'Strasse
uu guuuuuuud
. Wamer daenn am Abig hei chunnt isch mer toeter we tot, aber es fuehlt sich guet ah...Ide Stadt haet mer e bestimmti Route und die fuehrt a verschiedene Jurys verbii und a Fernsehkameras (alles wird natuerli live zeiget am fernseh) und daenn schwingt mer daenn s'fuedli gad no chli meh hahahaha
Spass machts...
ja, also die ganze Ferie sind wunderschoen gsi und ich hets am liebschte nomal um es paar wuche verlaengeret, aber mer soett immer daenn gah, waenns am schoenschte isch und mich erwartet ja no ganz viel abentuer uf minere reis dur suedamerika....
P.S. Da ich im moment z'Venezuela am umereise bin mit de helfti vo mim gepaeck (di ander helfti hani z'Caracas la) , chani nonig so viel foetli uelade, aber sobald ich wieder zrugg bin, chani oi no viel me o Trinidad und em Carnival zeige.
