Malaga - Sevilla

  Guadalmar, Andalusia, Spain
Friday, June 12, 2009

Hilfe, scho da

In Malaga sind mir guet glandet und ahcho. D Carolina, ä bekannti vom Domi, hät eus am Flughafe abgholt und mir händ dörfe zwei Nächt bi ihre schlafe. Sie hät sich ganz lieb um eus kümmerät, will sie hät müesse schaffe hät ihre Fründ eus am zweite Tag Malaga zeiget. D Verständigug isch nöd immer so eifach gsi, will er ussert spanisch kei anderi Sprach gret hät, zum Glück chan dä Domi zwei, drüü Wörter.
Gester simer dänn mitäme Mietauto vo Malaga uf Sevilla gfahre. So meh oder weniger quer übers Land, isch ächt ä schöni Landschaft.

Point of view

Ganz anderst wie bi eus, hät zwar au hügel "Berge" aber s isch alles viel kahler und öder, halt schochli wüestemässig. Gester gäg dä Abig simer dänn in Sevilla ahcho und händ eusäs Hostel bezoge, isch mega herzig, alles isch suuber und mir händ äs chlisäs aber schöns Zimmer.

platz malaga

Hüt am Morge simer nach äm zmorge loszoge und händ Sevilla erkundigt. Isch äs mega schöni Stadt, mit extrem viel schöne Gebäude und Pärks.

bogen sevilla

Für eus "Nordländer" isch äs eifach extrem heiss da. Hüt hämer ca. 38 Grad und a dä pralle Sunne fast nöd zum ushalte. Darum gömer nachher au nachli go plantschä, s hät da i dä nöchi äs Freibad. Hüt abig isch na so äs Fäst i dä Stadt, mal luege was eus da na alles erwahrtet.

plaza de espana

Morn gahts dänn wiiter nach Cordoba, mal luege was eus det alles ahtrifft. Doch wänns so wiiter gaht wie bis jetzt isch äs eifcha nume super toll!!!!!!
Bis glii
Evi


hallo,
i gib au na min senf (und föteli dezue) :-)

Hilfe, scho da

bidr carolina in malaga sind mir sehr nett empfange worde und händ eusi ´verbundenheit´müesse unter bewies stelle,indem mir szweite imne einer-bett gschlafe händ i dene nächt :-)....dadurch bini nöd immer ganz usgschlafe gsi, wie mr ufem föteli gseh ;-)

jesus und evi

de jesus, ihre fründ,wo keis wort englisch chan (dütsch natürli au nöd) hät dänn a eim tag de touri-guide gspillt und eus durch malaga gführt....und ich merke vo tag zu tag meh,dass mis spanisch absolut gnüegt zum eus dure z´schlah (spanisch-kurs vor ca. 2jahr sei dank).

spöter händ mir euses mietauto abgholt (de billigst buecht,aber en supermoderne 1,9liter diesel seat leon becho...diverse gadgets (juhuiiiii.spille!) bis zum elektrisch einziehbare rückspiegel (ide enge gässli vode andalusische städt sehr praktisch,da mr d'autos oft nur um zentimeter ade parkierte auto vorbi-zirkle muen). also ich ha mi jedefalls bereits verliebt und brüchti d'evi nur na bedint als reisebegleiterin (das gps chan ja au rede...d'stimm heisst Lisa übrigens). ;-)

Seenlandschaften im Gebirge

Brugg ide Felse

in sevilla händ mir es schöns hostal gfunde mit kuhle terrasse ufem dach mit hängematte und so, sehr nette stuff. D'evi leit es rechts sightseeing-tempo vor....wänni ganz lieb bin dörfi zwüsched-dure mal schnell uf mim iphone d'mails aluege...aber eher selte. sust gahts vo eim ort zum andere, ohni pause. und die stadt isch überfüllt mit sehenswürdigkeite:a jedem ecke irgend e kathedrale,statue,ruine, römischi Säule, maurische alcabaza oder was au immer.fast scho disney-world-kadenz.

Eckhaus in Sevilla

Gärten in Sevilla

eindrücklisch isch vorallem au de plaza de espana gsi...det isch au grad en typ mit ere frau ghockt, wo flamenco gspillt händ. die händs recht im griff gha! (video dezue folgt spöter uf dere siite).

Provinzen von Spanien

Granada-Boxenstop in Sevilla

Provinzenstop

wo´s dänn über 40° worde isch,sind mir defür mal in en aqua-park....das isch mega erfrischend gsi.

so...jetzt gahts dänn wiiter nach cordoba...das wird bestimmt toll.

das éntry´isch nöd ganz aktuell...in cordoba sind mir bereits gsi und jetzt in granada.aber die andere bricht chömed dänn na :-)

liebi grüess heiwärts....
domi